မြန်မာပြည်မှ ဒလမြို့သူမြို့သားတို့အတွက်...

သူငယ်ချင်းမိတ်ဆွေတို့ရေ...

အောက်ဖော်ပြပါ စာစုလေး နှင့် ဓာတ်ပုံများကတော့ ကျမရဲ့ ယုံကြည်ရင်းနှီးရသော မိတ်ဆွေတစ်ယောက် ကိုယ်တိုင်ကိုယ်ကျ သွားရောက်လေ့လာပြီး အခြေအနေကို ပြန်လည်ရေးသားဖော်ပြထားတာ ဖြစ်ပါတယ်... "ရေအသက်တစ်မနက်"လို့ ဆိုရိုးရှိသလိုပါပဲ ရေဆိုတာ မရှိမဖြစ် အရေးကြီးတဲ့ အရာတစ်ခုဖြစ်သလို ဘဝပေါင်းများစွာရဲ့ မနက်ခင်း လင်းသစ်ဖို့ရန် ကျမတို့ အမိမြန်မာပြည်မှ ဒလမြို့သူမြို့သားများက သူငယ်ချင်းမိတ်ဆွေတို့ရဲ့ ကမ်းလင့်မယ့် လက်တစ်စုံကို မျှော်လင့်စောင့်စားလို့နေပါတယ်... သို့အတွက် နိုင်ငံအသီးသီးမှာ ရှိနေကြတဲ့ ကျမတို့ သူငယ်ချင်းမောင်နှမတွေ ကျမတို့ချစ်သော အမိမြန်မာနိုင်ငံမှ မြန်မာပြည်သူတွေအတွက် တစ်ဖက်တစ်လမ်းမှ ကူညီနိုင်ကြဖို့ အခွင့်အရေးကြုံခိုက် ရေကုသိုလ်ယူနိုင်ကြဖို့ စေတနာဝန် ထမ်းပြီး နှိုးဆော်ခွင့်ပြုပါလားရှင်... :)

ကျမကတော့ စင်္ကာပူနိုင်ငံမှာ ရှိနေတဲ့အတွက် ရေကုသိုလ်ယူလိုသူ စင်္ကာပူမှ စေတနာရှင် သူငယ်ချင်းမောင်နှမတို့ ဆက်သွယ်လှူဒါန်းမှုကို ဝမ်းမြောက်စွာ ဂုဏ်ယူစွာနှင့် လက်ခံပေးသွားမှာ ဖြစ်ပါတယ်...

လူတိုင်း စားဝတ်နေရေးအတွက် ပင်ပန်းစွာ ကြိုးစားရှာဖွေနေကြရတာကို နားလည်ခံစား ကိုယ်ချင်းစာမိပါတယ်... သို့သော်ငြား သူငယ်ချင်းမိတ်ဆွေတို့ရဲ့ ချွေးတစ်စက်ဟာ တစ်မြေတည်းနေ တစ်ရေတည်းသောက်ခဲ့ကြရတဲ့ မိတ်ဆွေတို့ ချစ်သော အမိမြေမှ မြန်မာပြည်သူပြည်သားများအတွက် ရေအသက် ဖြစ်နေခဲ့ပါလျှင် အဲ့ဒီချွေးတစ်စက်ရဲ့ တန်ဖိုးက အဖိုးအနဂ္ဂ ထိုက်တန်လို့နေမှာပါ.... ယနေ့ စင်္ကာပူပေါက်ဈေးငွေသည် မြန်မာငွေ ကျပ်၇၀၀ နဲ့ ညီမျှတယ်လို့ ဆိုကြပါစို့နော်... သူငယ်ချင်းမောင်နှမတို့ရဲ့ တစ်နေ့တာ သွားလာစားသောက်မှု (ဥပမာ ပြောခြင်းပါ) SGD$10 သည် မြန်မာငွေ ကျပ်၇,၀၀၀ နဲ့ ညီမျှလို့ နေပါတယ်... ကျမတို့ရဲ့ တစ်နေ့တာ သုံးစွဲမှုသည်ပင်လျှင် တစ်ပါးသူအတွက် ငံ့လင့်လို့နေတဲ့ ဝမ်းမြောက်ဖွယ်ရာ အကူအညီဖြစ်နေပါသဖြင့် သူငယ်ချင်းမောင်နှမတို့ရေ... ငွေကြေးတန်ဖိုး အနည်းအများထက် စေတနာရှေ့ထား တတ်အားသရွေ့ ပူးပေါင်းပါဝင်လှူဒါန်းနိုင်ကြဖို့ တိုက်တွန်းနှိုးဆော်ရင်း ရေအကျိုး(၁၀)ပါး ဆုမတောင်းဘဲ ယူကြပါစို့လားရှင်... :)

P.S. ကျမအား ယုံကြည်သော သူငယ်ချင်းမိတ်ဆွေများထံမှ Phone Contact, SMS, Email များ မျှော်လင့်မိပါကြောင်း နှင့် ဆက်သွယ်လာသူများကိုလည်း ကျေးဇူးတင်ရှိပါကြောင်း...... :)

သူငယ်ချင်းများအားလုံးခင်ဗျာ..

ရန်ကုန်မြို့ တဘက်ကမ်းမှာရှိတဲ့ ဒလမြို့မှာ ရပ်ကွက်ပေါင်း ၂၃ ရပ်ကွက်. ကျေးရွာပေါင်း ခန့်မှန်း ၂၃ ရွာကျော်ရှိပါတယ်။ လက်ရှိမှာ ဒလမြို့ပေါ်ရပ်ကွက် အားလုံးနီးပါးဟာ သောက်သုံးရေအတွက် အခက်အခဲ ကြီးစွာ ရင်ဆိုင်နေရပါတယ်။

ဒလမြို့ဟာ ထူးထူးခြားခြား သောက်သုံးရေချို မထွက်တဲ့ နေရာတစ်ခုဖြစ်ပါတယ်။ ဘယ်နေရာမှာပဲတူးတူး ရေငန်ပဲထွက်တာက ဒလမြို့ကို ရန်ကုန်တိုင်းထဲက ထူးခြားတဲ့နေရာတစ်ခု ဖြစ်စေပါတယ်။ ယခင့်ယခင်နှစ်တွေက မိုးတွင်းမှာ တနိုင်တပိုင်စုဆောင်းထားတဲ့ရေနဲ့ စုပေါင်းရေကန်တွေမှာ သိုလှောင်ထားတဲ့ရေတွေကို သောက်ရေအဖြစ် တနွေလုံး သုံးစွဲနေကြဖြစ်ပါတယ်။

ဒီနှစ်မှာတော့ အလွန်ပြင်းထန်သော နွေရာသီကြောင့် သောက်သုံးရေကန်များ ခြောက်ခမ်းပြီး ရေအတွက်အခက်အခဲ များစွာကြုံတွေ့နေရပါသည်။ ယနေ့အချိန်မှာ ဒလမြို့နေလူထုဟာ ပုဂ္ဂလိက အလှူရှင်တွေက လာရောက်လှူဒါန်းတဲ့ ရေများကိုပဲ သောက်ရေ၊ သုံးရေအဖြစ် မှီခိုနေရရှာပါတယ်။ လာရောက်လှူဒါန်းမှုများစွာ တွေ့ရသော်လည်း ရပ်ကွက် (၂၃)ခုရဲ့ သောက်သုံးရေ လိုအပ်ချက်ကို ပြည့်မှီအောင် မဝေငှနိုင်တာ တွေ့ရပါတယ်။ သုံးရေကိုတော့ ကြံ့ဖွံ့နဲ့ စည်ပင်ပူးပေါင်းပြီး ဝေငှပေးနေတာကို တွေ့ရပါတယ်။ သောက်သုံးရေအတွက်တော့ ရန်ကုန်မြို့နှင့် ကွမ်းခြံကုန်း၊ ကော့မှူးနဲ့ တွံတေးစတဲ့ မြို့တွေနဲ့ အနီးပတ်ဝန်းကျင် အခြားရွာတွေက တတ်နိုင်သူတွေက လာလှူဒါန်းကြပါတယ်။ လှူဒါန်းသူအများစုက သောက်သုံးဖို့အဆင်ပြေတဲ့ ရေချိုကို ထော်လော်ဂျီပေါ်မှာ တိုင်ကီ (ပီပါ) တွေနဲ့ တင်ပြီးလှူကြတာများပါတယ်။ ရန်ကုန်ဘက်က စေတနာရှင်အချို့ကလည်း ၅ဂါလံဆန့် ရေပုံးများ ကားပေါ်တင်ပြီး လာလှူကြပါတယ်။

ရန်ကုန်နဲ့ မြစ်တစ်ခုသာခြားပေမယ့် ဒလမြို့ရဲ့အနေအထားဟာ ရန်ကုန်နဲ့ ဆီနဲ့ရေလိုကွာခြားပါတယ်။ နေ့စဉ် ပန်းဆိုးတန်းနဲ့ ရန်ကုန်ကမ်းနားမှာ အလုပ်သွားအလုပ်ပြန်ကြတဲ့ ဒလမြို့ခံတွေကို ကြည့်ရင် အကဲခတ်နိုင်မှာပါ။ လက်ရှိမှာတော့ ဒလမြို့ခံတွေဟာ သူတို့ကိုယ်သူတို့ ရေဘေးဒုက္ခသည်လို့ အမည်ခံထားကြရုံမက အလှူရှင်တွေလာလှူတဲ့ ရေလေးတစ်ပုံးစ နှစ်ပုံးစအတွက် အလုအယက်မျက်နှာငယ်လေးတွေနဲ့ တောင်းခံနေတာကို မြင်တွေ့ရတာ စိတ်မကောင်းစရာပါ။

ကျွန်တော်တို့ သွားပြီးလေ့လာခဲ့တဲ့ အနေအထားတွေကို သုံးသပ်ရရင် ဒလမြို့သူမြို့သားများအတွက် အဓိက အခက်အခဲကတော့ သောက်သုံးရေသန့်ရရှိရေးဖြစ်ပါတယ်။ မြင့်မားနေတဲ့ သောက်သုံးရေ လိုအပ်ချက်ကို ဖြည့်ဆည်းကူညီပေးနိုင်မှ ရေပြတ်တောက်မှုရဲ့ နောက်ဆက်တွဲဖြစ်တဲ့ ရောဂါဘယတွေကင်းဝေးစေမှာဖြစ်ပါသည်။ (ပဲခူးတိုင်းမှာရှိတဲ့ ကျေးရွာတွေမှာလည်း ရေပြတ်တောက်မှုကို ရင်ဆိုင်နေရပြီး နောက်ဆက်တွဲဖြစ်တဲ့ ဝမ်းရောဂါနဲ့ သေဆုံးသူတွေ နာမကျန်းဖြစ်သူတွေ အရမ်းများပြားနေပါပြီ။) ဒါကြောင့် အားလုံးသော သူငယ်ချင်းများနှင့် ညီအစ်ကိုမောင်နှမများအနေနဲ့ ဒလမြို့သားတွေရဲ့ သောက်သုံးရေပြဿနာကို တတ်နိုင်သလောက် တစ်ဖက်တစ်လမ်းမှ ကူညီပေးကြပါလို့ စေတနာ့ဝန်ထမ်းပြီး မေတ္တာရပ်ခံလိုက်ပါတယ်။

ဒလမြို့ခံတွေအတွက် ကျွန်တော်တို့သူငယ်ချင်းတွေ စုပေါင်းပြီး လှူဖို့ စီစဉ်ထားတာလေးကိုလည်း တင်ပြလိုက်ပါတယ်။

ဒလနှင့် ၈မိုင်-၉ မိုင်နီးပါးခန့်ဝေးကွာသော ရန်ကုန်ပေါက်ကျေးရွာမှာ ရေချိုထွက်ပါတယ်။ ဒီရွာကရေကို လှူတဲ့အဖွဲ့တွေရှိသလို ဒီရေက သောက်သုံးဖို့ အဆင်ပြေတယ်လို့လည်း ရေဘေးဒုက္ခသည်များက ပြောကြပါတယ်။ ဒလ-တွံတေး ကားလမ်းပေါ်မှာရှိတဲ့ ရန်ကုန်ပေါက်ရွာက တတ်နိုင်သူများက ရေသွားလှူမယ့်ကားတွေကို ရေဖြည့်ပေးပါတယ်။ အခမဲ့ပါ။ သောက်သုံးရေအတွက် စနစ်တကျထုတ်လုပ်ထားတဲ့ ရေသန့်တွေကို ရန်ကုန်ကတဆင့် သယ်ယူဖို့စရိတ်စကနဲ့ ပြန်ဝေပေးနိုင်မယ့် အရေအတွက်ပမာဏနဲ့ နှိုင်းယှဉ်ရင် ဒီအနေအထားက သယ်ယူပို့ဆောင်စရိတ်ပိုသက်သာပြီး အရေအတွက်များပြားတဲ့ မြို့ခံတွေကို ထောက်ပံ့ပေးဖို့ အသင့်တော်ဆုံးလို့ ယူဆပါတယ်။

ကျွန်တော်တို့အဖွဲ့အနေနဲ့တော့ ဒိုင်နာလို (၃) တန်ဝန်းကျင်လောက် ကားပေါ်မှာ ဂါလံ (၄၀၀)ကနေ (၆၀၀) လောက်အထိ ဆံ့တဲ့ ရေတိုင်ကီကြီးတွေ တင်ပြီး ရန်ကုန်ပေါက်ကရေကို ဒလမှာ လှူဒါန်းပေးဖို့ပါ။ သူငယ်ချင်းတွေနဲ့ အခြား လှူဒါန်းလိုတဲ့ မိဘပြည်သူတွေအနေနဲ့ ကျွန်တော်တို့အဖွဲ့ကို ဆက်သွယ်လှူဒါန်းနိုင်သလို အကူအညီပေးမယ်ဆိုရင်လည်း ဝမ်းမြောက်ဝမ်းသာ လက်ခံသွားမှာဖြစ်ပါတယ်။


ရေခန်းခြောက်နေသည့် ရေကန်အတွင်းမှ သုံးရေခပ်ယူနေသည့် ကလေးငယ်တစ်ဦး


စေတနာရှင်များ လှူဒါန်းသည့် ရေချိုကို သယ်ယူရန်ပြင်နေသည့် ကလေးငယ်တစ်ဦး


အလုပ်သွားနေသည့် မိဘများအစား ရေတန်းစီစောင့်ဆိုင်းနေသည့် လူမမယ်ကလေးများ


သုံးရေအတွက် အလုအယက် တန်းစီ


ရေလာခပ်တဲ့ ကလေးငယ်တစ်ဦးရဲ့ ပုံပါ


ရေအလှူရှင်အလာကို လမ်းမထွက်မျှော်နေတဲ့ ပုံးကလေးတွေ


Please also check it out in မဇ္ဈိမသတင်းဌာန

ရေအကျိုး(၁၀)ပါး
(၀၁) လျင်မြန်ခြင်း၊
(၀၂) သန့်ရှင်းစင်ကြယ်ခြင်း၊
(၀၃) ကျော်ကြားလူသိများခြင်း၊
(၀၄) ဆာလောင်မွတ်သိပ်မှုကင်းခြင်း၊
(၀၅) အခြွေအရံများခြင်း၊
(၀၆) အသက်ရှည်ခြင်း၊
(၀၇) အဆင်းလှခြင်း၊
(၀၈) ချမ်းသာကြီးခြင်း၊
(၀၉) ခွန်အားဗလကြီးမားခြင်း၊
(၁၀) ဉာဏ်ပညာကြီးမားခြင်း

Created By: k2tmaung (15 May 2010 Saturday 01:53PM)

ဆက်လက်ဖတ်ရှုရန်...

ကျေးဇူးတင်ပါတယ်ရှင်...

ကျမနှင့် ရေကုသိုလ်...

ညနေက မိတ်ဆွေတစ်ယောက် မြန်မာပြည်က ဒလမြို့နယ်မှာ ဒီနှစ်နွေရာသီရဲ့ ပြင်းထန်လွန်းသော အပူချိန်ကြောင့် ရေအခက်အခဲနှင့် ကြုံတွေ့နေရတယ်တဲ့... တတ်နိုင်သလောက် ကူညီပေးပါဦးလို့ဆိုတာနဲ့ မရှိမဲ့ရှိမဲ့ မိတ်ဆွေလေးတွေကို email ပို့ message ပို့နဲ့ တကယ်လိုအပ်နေတဲ့ ရေပြဿနာအတွက် အလှူငွေကောက်ပေးဖို့ ကြိုးစားဖြစ်ပါတယ်... နောက်ပြီး ကျမမိခင် ပြောပြောနေတတ်တဲ့ "သူတစ်ပါးအလှူဖြစ်မြောက်အောင်၊ ကုသိုလ်ရအောင် တိုက်တွန်းနှိုးဆော်တာလည်း ကုသိုလ်တစ်မျိုးပဲ" ဆိုတဲ့ စကားလေး ကြားယောင်ပြီး ကိုယ့်ဘာသာ ပီတိတွေလည်း ဖြစ်နေလိုက်ပါသေးတယ်... :P

ရေကုသိုလ်နဲ့ ပတ်သက်ပြီး ကျမအသိဝိညာဉ်ထဲမှာ အမှတ်တရလေးတစ်ခုရှိနေခဲ့ပါတယ်... :) ငယ်ငယ်ကတည်းကပေါ့ ကိုယ်စားတဲ့ ပန်းကန်လေး ကိုယ်ဆေး၊ ကိုယ့်အဝတ်လေး ကိုယ်လျှော်ပြီး ကိုယ့်တာဝန်ကိုယ် ကျေလှချည်ရဲ့လို့ တွေးတတ်ခဲ့တယ်... မိဘကများ အိမ်အလုပ်လေး နည်းနည်းပိုခိုင်းမိရင် စိတ်လေးက ကောက်ချင်ချင်... ငယ်ငယ်တုန်းက ပြောတာပါ... ဟဲဟဲ... အဲ့တော့ မိဘတွေက တစ်ခုခု ခိုင်းချင်ပြီဆို "သမီးက လိမ္မာတယ်" တို့ "ကုသိုလ်ရတယ်" တို့နဲ့ ချိုချိုသာသာ ခိုင်းရတာပေါ့လေ... :P အဲ့ဒီလိုများ ချော့မော့ခိုင်းလို့ကတော့ နှုတ်ခမ်းစူသလိုလို စိတ်ဆိုးချင်သလိုလိုနဲ့ ဘာခိုင်းခိုင်း အကုန်လုပ်တာပါပဲ... ဟိ... အကြီးဆုံးဆိုတော့ မိဘတွေကလည်း ပိုခိုင်းတာပေါ့... :P အဲ... အဲ့လို ချော့မော့ခိုင်းတဲ့အထဲမှာ နေ့တိုင်းလိုလို လုပ်ပေးဖြစ်ပြီး ကုသိုလ်ရမှန်းမသိ ရနေတဲ့ အလှူတစ်ခု ရှိပါတယ်... အဲ့ဒါကတော့ ရေကုသိုလ်ပါ... အိမ်မှာ နေ့စဉ် ရေကို ကျိုချက်ပြီး သောက်သုံးကြပါတယ်... ရေနွေးအိုကို တစ်နေ့ နှစ်ကြိမ် သုံးကြိမ်လောက်တည်ရပါတယ်... ပြီးရင် နောက်ထပ်အိုးကြီးတစ်လုံးနဲ့ အအေးခံ... အေးသွားပြီဆိုရင် သောက်ရေစတီးအိုးကြီးထဲ ရေစစ်နဲ့တစ်ခါပြောင်းထည့်... နောက် ရေသန့်ဗူးလေးတွေနဲ့ ပြန်ခွဲထည့်ပြီး ရေခဲသေတ္တာထဲထည့်... စသဖြင့်ပေါ့လေ... ကျမမိခင်ကတော့ "ရေအကျိုး (၁၀) ပါး ဆုမတောင်းဘဲ ပြည့်တယ်... နောက်ဘဝကျရင် ငါ့သမီးက ဒီထပ်ချောဦးမှာ... ဒီထပ်ဉာဏ်ကောင်းဦးမှာ..." နဲ့ အမြဲ ချော့မော့ ခိုင်းတတ်တာပေါ့... တစ်ခါတစ်လေများ ပျင်းကြောဆွဲပြီး မလုပ်ချင်လုပ်ချင်နဲ့ လုပ်ပေးမိရင် "ကုသိုလ်လုပ်တာ စိတ်ထားကောင်းကောင်းထားရတယ်နော်... ရမယ့်ဆုတွေ လျော့ကုန်မယ်"လို့ ပြောတတ်ခဲ့ဖူးတယ်... ကုသိုလ်ရမလားမရဘူးလား ဆိုပြီးတော့တော့ စိတ်ထဲသိပ်မရှိခဲ့ပါဘူး... မိဘက ချော့ခိုင်းလို့ မြှောက်ခိုင်းလို့ လုပ်ပေးမိတာကတော့ ခပ်များများပေါ့... ငယ်ငယ်တုန်းကတော့ ပိုချောမှာ... ပိုလှမှာဆိုပြီး လောဘဇောလေးကလည်း ပါတတ်သေးသကိုး... :P ကျမဖခင်ကတော့ ရေသန့်ဗူးတွေထဲ ဗူးဝထိ ရေဖြည့်တတ်တဲ့ ကျမကို အမြင်ကတ်နေကျပေါ့... ဗူးဝထိ ရေထည့်ထားတော့ ဗူးကို အလယ်က ညှစ်ကိုင်လိုက်ရင် ရေတွေက အပြင် လျှံကြသွားတယ်လေ... :P ကျမကလည်း အမှတ်မရှိပေါင်... ပြည့်ပြည့်ဝဝဖြစ်အောင် အမြဲ ပြည့်နေအောင် ထည့်ရမှာ ကျေနပ်တတ်တယ်... ဟီးဟီး...

အဲ... အဲ့ဒီရေကုသိုလ်အလှူလေးကို ဘယ်အချိန်မှစပြီး လှူပြီးတိုင်း ပီတိဖြစ်ရလဲဆိုတော့ မြန်မာ့အသံကနေ အရင်က ခဏခဏ ထုတ်လွှင့်ပြသခဲ့ဖူးတဲ့ ဇာတ်လမ်းတိုလေး တစ်ပုဒ်ကြောင့်ပါပဲ... လူတော်တော်များများလည်း သိကြမှာပါလေ... :P ဒီဇာတ်လမ်းလေးကြောင့်ပဲ ရေလှူပြီးတိုင်း စိတ်ထဲမှာ အမြဲ ကြည်လင်အေးချမ်းခဲ့ဖူးပါတယ်... ကိုယ့်ကိုယ်ကိုယ်လည်း ကျေနပ်မှုတစ်စုံတစ်ရာနဲ့ ကြည်နူးမိတတ်ပါတယ်... :)

ဇာတ်လမ်းလေးကတော့ ဒီလိုပါတဲ့ကွယ်... :)

ဟိုးရှေးရှေးတုန်းကပေါ့ကွယ်... ဦးဇင်းတစ်ပါး ဆွမ်းခံကြွသွားရင်း မိုးရွာလာတော့ ဇရပ်လေးတစ်ခုမှာ မိုးဝင်ခိုသတဲ့... အဲ့ဒီအချိန်မှာပဲ ခရီးသွားတစ်ယောက်က အဲ့ဒီ ဇရပ်မှာ မိုးဝင်ခိုပါသတဲ့... ဆွမ်းစားချိန် ရောက်သည့်တိုင် မိုးက မစဲတော့ ဦးဇင်းလည်း အဲ့ဒီဇရပ်မှာပဲ ဆွမ်းဘုန်းပေးရတော့သတဲ့... ခရီးသွားကလည်း သူပါလာတဲ့ ထမင်းထုပ်လေးကို ဦးဇင်းကို လှူလိုက်ပါသတဲ့ကွယ်... ခရီးသွားကပ်လိုက်တဲ့ ဆွမ်းကို ဘုန်းပေးတဲ့ ဦးဇင်းကလည်း ခရီးသွားကို တရားဟောပြချီးမြှင့်တာပေါ့ကွယ်... အဲ့ဒီဦးဇင်း ဟောတဲ့ တရားတွေထဲက တရားတစ်ပုဒ်မှာပေါ့ကွယ်... "တစ်ခါတုန်းက ရွာတစ်ရွာမှာ ဒကာမကြီးတစ်ယောက် ရှိပါသတဲ့... အဲ့ဒီ ဒကာမကြီးက ရွာဦးဘုန်းကြီးကျောင်းကို ဆွမ်းပို့လေ့ရှိသတဲ့... တစ်နေ့မှာတော့... ဟင်းတွေချက်ပြုတ်စီမံပြီး ဆွမ်းချိုင့်ကြီး ကိုယ်တိုင်ဆွဲလို့ ရွာဦးဘုန်းကြီးကျောင်းကို လာခဲ့ပါသတဲ့... လမ်းမှာ အများသုံး ရေတွင်းတစ်တွင်းကနေ ရေငင်နေတဲ့ ဒကာမကြီးနဲ့ အသက်မတမ်းမယိမ်း အမျိုးသမီးကြီးတစ်ယောက် သူ့အပေါင်းအဖော်တွေနဲ့ စကားပြောနေတာကို သတိပြုမိသွားပါသတဲ့... ဘုန်းကြီးကျောင်းကို ရောက်တော့ ကျောင်းထိုင်ဦးဇင်းကြီးကို ဆွမ်းကပ်... ဦးဇင်းလည်း ဆွမ်းစားပြီးတော့ ဒကာမကြီးကို "အသက်ရှည်ခြင်း၊ အဆင်းလှခြင်း၊ ကိုယ်စိတ်ချမ်းသာခြင်း၊ ခွန်အားဗလကြီးခြင်း၊ ဉာဏ်ပညာကြီးခြင်းဆိုတဲ့ ဆွမ်းအကျိုး(၅)ပါး ပြည့်ပါစေ"လို့ ဆုပေးသတဲ့... ဒကာမကြီးလည်း ပျော်ရွှင်စွာနဲ့ "ပေးတဲ့ဆုနဲ့ ပြည့်ပါရစေ ဘုရား"လို့ လျှောက်တာပေါ့... အဲ့ဒီအချိန်မှာ လမ်းမှာ တွေ့ခဲ့တဲ့ အမျိုးသမီးကြီးက ကျောင်းတွင်း သောက်သုံးရေတွေ ဖြည့်ပြီးကြောင်း ဦးဇင်းကို လာလျှောက်သတဲ့... ဦးဇင်းက "သာဓု... သာဓု... သာဓု..." လို့ မိန့်ပြီး... "လျင်မြန်ခြင်း၊ သန့်ရှင်းစင်ကြယ်ခြင်း၊ ကျော်ကြားလူသိများခြင်း၊ ဆာလောင်မွတ်သိပ်မှုကင်းခြင်း၊ အခြွေအရံများခြင်း၊ အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားဗလကြီးခြင်း၊ ဉာဏ်ပညာကြီးခြင်းဆိုတဲ့ ရေအကျိုး(၁၀)ပါး ပြည့်ပါစေ"လို့ ဆုပေးသတဲ့... အဲ့ဒီအမျိုးသမီးကြီးလည်း ဝမ်းမြောက်စွာနဲ့ "ပေးတဲ့ဆုနဲ့ ပြည့်ပါရစေ ဘုရား"လို့ လျှောက်ပြီး ပြန်သွားသတဲ့... အဲ့ဒီအချိန်မှာ ဒကာမကြီးက ဦးဇင်းကို မကျေမနပ်နဲ့ "အရှင်ဘုရားက မတရားဘူး"လို့ ဆိုသတဲ့... ဦးဇင်းလည်း ကြောင်အအဖြစ်သွားခိုက် ဒကာမကြီးက ဒီလိုစကားဆက်လိုက်ပါသတဲ့... "အရှင်ဘုရားက ပင်ပင်ပန်းပန်းနဲ့ ဆွမ်းဟင်းချက်ပို့ပေးရတဲ့ တပည့်တော်မကိုကျတော့ ဆု(၅)ပါးပဲ ပေးပြီး အလကားရတဲ့ ရေကို လှူတဲ့ ဟိုအမျိုးသမီးကိုကျတော့ ဆု(၁၀)ပါးတောင် ပေးတယ်" အဲ့ဒီတော့မှ ကျောင်းထိုင်ဦးဇင်းလည်း သဘောပေါက်သွားပြီး ပြုံးမြမြ ဖြစ်သွားတော့သတဲ့... "ဒကာမကြီး ဆွမ်းချက်တော့ ရေမပါဘူးလား... ဒကာမကြီးရဲ့..." "ပါတာပေါ့ ဘုရား" "ဒါဆို ဒကာမကြီးလည်း ရေအကျိုး(၁၀)ပါးဆုကို ရပြီပေါ့"လို့ ဆိုမှ ဒကာမကြီးလည်း ကျေနပ်သွားတော့သတဲ့... ဒီတရားပုံပြင်လေးလည်းဆုံး မိုးလည်းတိတ်စပြုပြီမို့ မိုးခိုနေတဲ့ ဦးဇင်းလည်း ခရီးသွားကို နှုတ်ဆက်လို့ လိုရာခရီးကို ဆက်သွားပါတော့တယ်တဲ့ကွယ်....

ဇာတ်လမ်းလေးကို အစအဆုံးတော့ သေသေချာချာမမှတ်မိတော့ပါဘူး... ဆီလျော်သလို နည်းနည်းရွှီးလိုက်ပါတယ်... ဟဲဟဲ... အဲ့ဒီ ဇာတ်လမ်းလေးထဲက ဒကာမကြီး ပြောသွားတဲ့ "အလကားရတဲ့ ရေကို လှူတာ ဆု(၁၀)ပါးတောင် ပေးတယ်" ဆိုတဲ့ စကားလေးကိုတော့ မှတ်မိလို့ နေပါတယ်... :) အဲ့ဒီအချိန်ကစလို့ပေါ့... ကျမလည်း ဘယ်နေရာ ဘယ်အချိန်မှာပဲဖြစ်ဖြစ် ရေကုသိုလ်ယူရတဲ့အခိုက် ဘယ်ကဘယ်လိုရတဲ့ ပီတိအဟုန်ကြောင့်မှန်းမသိ ကြည်နူးလို့ နေမိပါတယ်... နောက် အသက်ကလေးကလည်း ရလာလို့ထင်ပါ့... အလှူတစ်ခုလုပ်ပြီးတိုင်း ဘာဖြစ်ရပါလို၏... ညာဖြစ်ရပါလို၏ဆိုပြီး လောဘနဲ့ ဆုမတောင်းတတ်တော့တာလည်း ကြာခဲ့ပါပြီ... :) သို့ပေမယ့် ရေကုသိုလ်ယူပြီးတိုင်းတော့ ဆုတစ်ခုကို အမြဲတမ်း မပျက်မကွက် တောင်းလေ့ရှိပါတယ်...

"ဤကဲ့သို့ ရေလှူရခြင်းအကျိုးကျေးဇူးကြောင့် တပည့်တော်မ၏ စိတ်သည်လည်း ရေအစဉ်ကဲ့သို့ ကြည်လင်အေးမြရပါစေသား" ဆိုပြီးတော့ပေါ့... :P

စကားချပ်... ရန်ကုန်တဘက်ကမ်းက ဒလမှာ သောက်သုံးရေအခက်အခဲဖြစ်နေပါတယ်။ ရေလှူဖို့ရန် အခွင့်အရေးကြုံတဲ့အတွက် ပူးပေါင်းပါဝင် လှူဒါန်းကြဖို့ တိုင်တွန်းနှိုးဆော် ဖိတ်ခေါ်ပါတယ်။ ကျမအား ယုံကြည်သော သူငယ်ချင်းများထံမှ phone call, message, email များ မျှော်လင့်မိပါကြောင်း... :)

Created By: k2tmaung (15 May 2010 Saturday 01:56AM)

ဆက်လက်ဖတ်ရှုရန်...

ကျေးဇူးတင်ပါတယ်ရှင်...