(ကြိုတင် ဝန်ခံပါ၏... စာအရမ်းရေးချင်ပြီး ဘာရေးရမှန်းမသိတာနဲ့ ရေးချင်ရာ ရေးထားတာပါ...:P )
အရောင်တွေနဲ့ ပတ်သက်ပြီး အမှတ်ရစရာလေးတစ်ခု ရှိခဲ့ဖူးပါတယ်... တစ်ခြားတော့ မဟုတ်ပါဘူး... :P Face Book မှာ မေးခွန်း(၁၀)ခု လုပ်ပြီး ကိုယ်နဲ့အရမ်းရင်းနှီးကျွမ်းဝင်သူများကို မေးကြည့်တာပါ... ဖြေပေးကြတဲ့သူတွေက ကျမညီမလေးရယ်... ကျမ cousin အစ်ကိုရယ်... ကျမချစ်သူငယ်ချင်း(၂)ယောက်ရယ်ပါ... ထူးထူးခြားခြား... တစ်ယောက်မှ မမှန်တာက ကျမရဲ့ အကြိုက်ဆုံးအရောင်ဆိုတာကိုပါ... အဲ... သူတို့အားလုံး အဖြေသာ မမှန်တာ အမှားကျ အကုန်တူလေရဲ့... :P ကျမရဲ့ favourite colour ကို "အနက်ရောင်" လို့ ရွေးပေးကြတယ်လေ... ကျမ ညီမလေးကတော့ အဆိုးဆုံးပေါ့... သူမက အဲဒါလေးတစ်ခုပဲ မှားတာကိုး... ပြောမဆုံးပေါင် တောသုံးတောင်ပေါ့...:P ပွစိ ပွစိနဲ့လေ...ဟီး... ကျမသူငယ်ချင်းတစ်ယောက်ကလည်း မနေနိုင်လို့ (အမှန်တော့ မကျေနပ်တာ...:D ) online မှာ လာအော်သွားလေရဲ့... ဟီး... အင်း... အမှန်က သူတို့အပြစ်ကြီးပဲတော့ မဟုတ်ဘူးပေါ့လေ... ကျမကိုယ်တိုင်ကလည်း "အနက်ရောင်"ကို အသုံးများခဲ့တာကိုး...:P
အမှန်က ကျမရဲ့ ငယ်ငယ်ကတည်းက မပြောင်းမလဲ အသဲစွဲ :P အရောင်လေးက "baby pink" လို့ ခေါ်တဲ့ "ပန်းနုရောင်"လေးပါ... ဘာလို့ကြိုက်လဲဆိုရင်တော့ မသိဘူးပဲ... ဟီး... ငယ်ငယ်က ကျမမိခင်က အဝတ်အစားဝယ်ပေးရင်ဖြစ်ဖြစ် အရောင်တစ်ရောင်ကိုရွေးခိုင်းခဲ့ရင် စွဲစွဲမြဲမြဲ ရွေးချယ်မိတတ်တာက "ပန်းရောင်"ဆိုတာပါပဲ... ကျမမိခင်က အမြဲချော့မော့ပြီး "သမီးမှာ ပန်းရောင်ကြီးပဲလေ ဒီအရောင်လေးလှတယ်... ဒါလေးက သမီးမှာမရှိသေးဘူးလေ"နဲ့ ပြောတတ်တာ ကျမ သတိရမိသလို၊ သတိလည်းထားမိခဲ့ပါတယ်... ဘာကြောင့်လဲတော့မသိ "ပန်းရောင်ဖျော့ဖျော့"လေးတွေကို အရမ်းသဘောကျမိတယ်... မှတ်မှတ်ရရ 2006 ကျမမွေးနေ့တုန်းက ကျမလုပ်ဖော်ကိုင်ဖက် အစ်မများက ကျမ နဲ့ နောက်ထပ်မွေးလတူ အစ်မတစ်ယောက်ကို မွေးနေ့လက်ဆောင် Giordana စပို့ရှပ်နဲ့ ပန်းပွင့်နုတ်နုတ်လေးတွေပါတဲ့ ထမီစလေး ဆင်တူဝယ်ပေးခဲ့ဖူးပါတယ်... အရောင်ပဲကွာခဲ့တာပါ... ကျမကို အဝါဖျော့ဖျော့လေးဝယ်ပေးပြီး မွေးလတူအစ်မကိုတော့ ပန်းရောင်လေးဝယ်ပေးခဲ့တယ်... ဟီး... ကျမကလည်း ဟန်ဆောင်ပန်ဆောင် အတော်နေတတ်ပုံရတယ်လေ... ကျမ အဲဒီ ပန်းရောင်လေးကို တကြည့်ကြည့်လုပ်နေတာ ရိပ်မိတဲ့ အစ်မတစ်ယောက်က "ငါ့ညီမလေးကြည့်ရတာ ပန်းရောင်လေးကြိုက်ပုံရတယ်"တဲ့... ဟီး... ကျမလည်း ရယ်နေလိုက်တယ်...:P ဟုတ်နေတာကိုး... မွေးလတူ အစ်မကတော့ "လဲမလား"လို့ မေးပေမယ့် ကျမ မလဲခဲ့ပါဘူး... ကိုယ့်အတွက် အမှတ်တရ ရည်စူးပေးတဲ့ လက်ဆောင်ကို ကျမ မလဲပါဘူးလေ... အဟဲ... ကျမ အကြိုက်ဆုံးအရောင်ဖြစ်ပေမယ့် အသုံးပြုခဲပါတယ်... ဝယ်ခဲပါတယ်... ဟီး... အဲဒါကြောင့်လည်း လူတော်တော်များများမသိကြတာ မဆန်းပါဘူးလေ...
ဒုတိယအကြိုက်ဆုံးအရောင်ကတော့ မေးစရာမလို "အနက်ရောင်"ကိုပေါ့...:P chinese ဖြစ်တဲ့အတွက် ငယ်ငယ်က အနက်ရောင် ဝတ်ဖို့ မိဘတွေက လုံးဝ ခွင့်မပြုဘူးလေ... နောက်တော့ ချိန်ခါ ရေစီးကြောင်းကလည်း ပြောင်းလာတာကတစ်ကြောင်း... အဟဲ... သားသမီးတွေ ကြီးလာရင် မိဘတွေ သိပ်ပြောမရတော့တာကတစ်ကြောင်းမို့ အတားအဆီးမရှိ "အနက်ရောင်"ကို သုံးစွဲခွင့်ရခဲ့ပါတယ်... အင်း... "အနက်ရောင်"ကို ကျမ တော်တော်လေးတော့ "crazy" ဖြစ်ပါတယ်... ကျမ အဝတ်အစား အသုံးအဆောင်တွေရဲ့ ၈၀% ဟာ "အနက်ရောင်"ပါပဲ... ဘာလို့ အဲဒီအရောင်ကိုကြိုက်ရတာလဲဆိုတော့ အပေအတေခံတယ်... တစ်ခြားအရောင်တွေလို စွန်းထင်းမလွယ်ဘူး... အကြမ်းခံတယ်... မာကျောတယ်လို့ ကျမ ယူဆလို့ပါ... နောက်ပြီး "မဟာဆန်တယ်"လို့လည်း ကျမ ထင်လို့ပါ... ဒါကတော့ တစ်ယောက်နဲ့တစ်ယောက် အမြင်တူကြမယ် မထင်ပါဘူးလေ...:P အထူးသဖြင့် အဝတ်အစားတွေဆို "အနက်ရောင်" ဝယ်ဖြစ်တာ များပါတယ်... "အနက်ရောင်"ကို ဝတ်ခြင်းဖြင့် ကျမရဲ့ လျှို့ဝှက်ချက်တွေကိုလည်း ဖုံးကွယ်လို့ရတယ်လို့ စိတ်က ထင်မိပြန်ပါတယ်... တစ်ချို့တွေက ပြောကြတယ်... "အသားဖြူတဲ့သူက ဘာအရောင်ဝတ်ဝတ်လိုက်တယ်"တဲ့... လိုက်တာမှန်ပါတယ်... သို့ပေမယ့် တစ်ခါတစ်လေကျ အရောင်တောက်တောက်များနဲ့ အရောင်နုနုလွင်လွင်များက အသားဖြူသူတွေကို မလိုအပ်ပါပဲ ထင်ရှားနေစေတယ်လို့ ကျမ ယူဆမိပါတယ်... ကျမအတွက်တော့ အသားဖြူတာဟာ အဝတ်အစားရွေးချယ်ဖို့အတွက် အခက်အခဲတစ်မျိုးလို့ ထင်မိတယ်... မထင်ရှားချင်သော ကျမ ဘယ်တုန်းကမှ အဝတ်အစားကို အရောင်တောက်တောက် ရွေးချယ် ဝတ်ဆင်လေ့မရှိပါဘူး... မထင်ပေါ်ချင်တဲ့ ကျမ အရောင်နုနုလွင်လွင်တွေတောင် ရှားပါးစွာ ဝတ်ဆင်တတ်ပါတယ်... အများအားဖြင့် "အနက်ရောင်"ဘက် ဖောက်သော ခဲရောင်၊ အညိုရောင်၊ မည်းနယ်ပြာ... အဲဒီလို အရောင်မှိုင်းမှိုင်းတွေပဲ ဝတ်တာများပါတယ်... နေ့တိုင်း အပေါ်အင်္ကျီနက်ရင်နက် မနက်ရင် အောက်စကပ်က နက်နေတတ်ပါတယ်... တစ်ခါတစ်လေတော့လည်း အဲဒီလို ခပ်မှောင်မှောင်အရောင်တွေက စိတ်တွေကိုပါ အရောင်ဟပ်ပြီး အမှောင်ကျစေတယ်လို့လည်း ခံစားမိပြန်တယ်... သို့ပေမယ့် ကျမကတော့ သုံးစွဲဆဲ... သုံးစွဲမြဲ... သုံးစွဲလတံ္တပါပဲ...:P အဲ... "အနက်ရောင်" နဲ့ ပတ်သက်ပြီး crazy အဖြစ်ဆုံး အရာတစ်ခုရှိပါတယ်... အဲဒါကတော့ "လက်ပတ်နာရီ"ပါ... ဘာကြောင့်မှန်းတော့မသိဘူး... "အနက်ရောင်" ဒိုင်ခွက်နဲ့ "အနက်ရောင်"သားရည်လက်ပတ်ကြိုးပါတဲ့ နာရီအမျိုးအစားကို သေလုမျောပါး ကြိုက်ပါတယ်... ဟဲ...:P
နောက်ထပ် အကြိုက်ဆုံး အရောင်လေးကတော့ "အဖြူရောင်"ပါ... သန့်ရှင်းမှု၊ စင်ကြယ်မှုတွေကို ပေးတဲ့အရောင်မို့ အရမ်းလည်း နှစ်သက်ပါတယ်... အဝတ်အစားဖြစ်ဖြစ် အသုံးအဆောင်ဖြစ်ဖြစ် ကိုယ်နဲ့အတူ ရှိနေရင် သူ့ဆီက ဖြူစင်မှုတွေ၊ ကြည်လင်မှုတွေ ကျမဆီ ကူးစက်လာတယ်လို့ ခံစားမိလို့ပါ...:P အထူးသဖြင့် အဝတ်အစား အဖြူသန့်သန့်ဝတ်တဲ့နေ့တွေမှာ ကျမ စိတ်တွေကို အရမ်းကြည်လင် သန့်ရှင်းနေစေပါတယ်... အမှားကင်းတဲ့ လူတစ်ယောက်လို ကိုယ့်ကိုယ်ကိုယ်လည်း ယုံကြည်မှုတွေ အားကောင်းစေတယ်လို့ ယုံကြည်မိပြန်ပါတယ်... အဲ... ကိုယ်ခန္ဒာပြည့်ဖြိုးတဲ့အချိန်မှာ ကျမ အရှောင်ဆုံးအရောင်ကလည်း "အဖြူရောင်"ပါပဲ...:P
နောက် ကျမ ကြိုက်မိတဲ့ အရောင်လေးတစ်ရောင်ကတော့ "အဝါရောင်"လေးပါ... ဘာလို့ ကြိုက်လဲဆိုတော့... ဟီး... ကျမမိခင်ရဲ့ အကြိုက်ဆုံးအရောင်မို့ပါ...:P အဝါရောင်လွင်လွင်နုနုလေးတွေကို သဘောကျ ကြိုက်နှစ်သက်ပါတယ်... အဟဲ... စိတ်ကူးတစ်ခုကို တကယ်လက်တွေ့ဖော်ဆောင်ခွင့်ရှိရင်တော့ အဝါရောင်အဆင်းရှိသော နေကြာပန်းခင်းထဲ ခဏဖြစ်ဖြစ် ပြေးလွှားစော့ကစားချင်သား... (ငယ်ငယ်က နေကြာခင်းထဲ ရောက်ခဲ့ဖူးလို့ပါ...:P ) သစ်လွင်မှုနဲ့ နုပျိုခြင်း၊ ရှင်းလင်းခြင်းတွေ ဖြစ်စေတယ်လို့လည်း ခံစားမိပါတယ်...
နောက်တစ်ရောင်ကတော့ "အနီရောင်"ပါ... ရဲရင့်ခြင်းတွေ ပေးတဲ့အရောင်မို့ တော်တော်လေးတော့ ကြိုက်ပါတယ်... အဲ... အဝတ်အစားမှာဆိုရင်တော့ ကျမအရှောင်ဆုံးအရောင်ပါ... အသားဖြူတဲ့သူအတွက် အနီရောင်က တဆိတ် တောက်ပမှုလွန်ကဲတယ်လို့ ထင်မိလို့ပါ... သို့ဆိုသော်... အနီရောင် အဝတ်အစား လုံးဝ မဝတ်ဘူးလားဆိုတော့ ဝတ်ပါတယ်... အိမ်က ဝယ်ပေးတာ၊ လက်ဆောင်ရတာမျိုးကလွဲရင်တော့ တစ်ခါမှ ရွေးချယ် မဝယ်ဖူးသော အရောင်ပါ...ဟီး... အသုံးအဆောင် ပစ္စည်းတော်တော်များများမှာတော့" အနီရောင်"ကို ကြိုက်ပါတယ်... ဟီး... ခုလက်ရှိ ကျမရဲ့ handset လေးကလည်း အနီများသော အနက်ရောင်လေးပါ... ခုထိ handset ချိန်းဖို့ စဉ်းစားမိတိုင်း ကျမ handset လောက်လှတာ မတွေ့မိသေးဘူးလို့ပဲ မြင်မိပါတယ်...:P ကျမက စိတ်ပြင်းတဲ့သူလို့ (ရရစ်နဲ့ပြင်းတာပါ... ရပင်းနဲ့ပျင်းတာမဟုတ်ပါ...:P) ကိုယ့်ကိုယ်ကိုယ် သတ်မှတ်တဲ့အတွက် အနီရောင်ဟာ ကျမနဲ့ လိုက်ဖက်တယ်လို့လည်း တစ်ခါတစ်လေ မြင်မိပါတယ်...
"အပြာရောင်"ကတော့ လူအများသတ်မှတ်ထားကျသလို တည်ငြိမ်ခြင်း၊ ရင့်ကျက်ခြင်းတွေ ပေးစွမ်းတယ်လို့ လက်ခံထားပါတယ်... အဝတ်အစားဆိုရင်တော့ ဂျင်းကလွဲပြီး ဝတ်လေ့ဝတ်ထ မရှိပါဘူး... အထင်ရှားဆုံး ကျမကြိုက်နှစ်သက်တဲ့ အပြာရောင်အဆင်းရှိသောအရာကတော့ မိုးကောင်းကင် နဲ့ ပင်လယ်ပြင်ပါပဲ... ကြည်လင်တဲ့ မိုးကောင်ကင်ပြာပြာ နဲ့ ပင်လယ်ပြင်က လူတွေရဲ့ စိတ်ကို အသန့်ရှင်းဆုံး ကြည်လင်မှုကို ပေးစွမ်းနိုင်တယ်လို့ ကျမ ယုံကြည်နေဆဲပါပဲ... စိတ်တွေ ညစ်ညူးတဲ့ အချိန်တိုင်း မိုးကောင်းကင်ပြာပြာကို မော့ကြည့်ရတာလောက် အေးချမ်းတည်ငြိမ်မှု ရတာမရှိသလို ပင်လယ်ပြာပြာနဲ့ ထိတွေ့ရတာလည်း ကြည်နူးစရာအကောင်းဆုံး နဲ့ လွတ်လပ်ပေါ့ပါးစရာ အကောင်းဆုံးလို့ မှတ်ယူထားဆဲပါပဲ... :)
အစိမ်းရောင်ကတော့ ဆယ်စုနှစ်တစ်ခုကျော်အောင် ဆင်မြန်းခဲ့ရလို့လားမသိ လုံးဝ လုံးဝကို ရွေးချယ်မဝတ်ချင်သော အရောင်ပါပဲ... ဟီး... သို့ပေမယ့် ပတ်ဝန်းကျင် စိမ်းလန်းမှုကိုတော့ အတော်လေး သဘောကျပါတယ်... ဖြစ်နိုင်ရင်တော့ မြို့ပြထက် တောတောင်သဘာဝ စိမ်းစိုလှပတဲ့ ကျေးလက်ပတ်ဝန်းကျင်မှာ အခြေချချင်မိတယ်... ဖြစ်နိုင်ရင် ပြောတာပါ... မဖြစ်ဖို့ကတော့ များတယ်...:P
အဟဲ... ဘာမှန်းမသိဘဲ အကြိုက်ဆုံး အရောင်တစ်ရောင်ရှိတယ်... ဟီး... တစ်ခါမှ မကြိုက်ခဲ့တဲ့ အရောင်ကို 2007 ကျမ မွေးနေ့မှာ City FM radio ကနေ စံဇာနည်ဘိုရဲ့ ကံအကောင်းဆုံးအရောင်က "ခရမ်းရောင်"လို့ ပြောကတည်းက ဘာမှန်းမသိ "ခရမ်းရောင်"တွေ မြင်တိုင်း သဘောကျလို့ နေတော့တယ်... ဟီး...
အဟဲ... ကျမ ကြိုက်သော အရောင်လေးတွေကတော့... ဒီလောက်ပါပဲ...:P အရောင် အရမ်းရင့်ရင့်မှိုင်းမှိုင်းလေးတွေနဲ့ နုနုလေးတွေကိုလည်း ဘယ်အရောင်ဖြစ်ဖြစ် ကြိုက်ပါတယ်... ဟီး... ဆိုခဲ့ပြီးတဲ့အတိုင်း အရောင်ရင့်တာတွေ ဝတ်တာများတော့ သူငယ်ချင်းတွေကတောင် "နင်က လူကြီးဆန်တယ်"လို့ မှတ်ချက်ပေးတာ ခံရဖူးပါတယ်...:P ဟုတ်တော့လည်း ဟုတ်ပါတယ်... အရောင်နုတွေဆိုတာ ငယ်ရွယ်သူတွေနဲ့ ပိုလိုက်ဖက်တယ်လို့ ကျမတော့ မြင်မိတယ်... အဟဲ... ခုတောင် အိုမင်းခြင်းဘက်ကို တစ်နေ့တစ်လှမ်း မှန်မှန် မြန်းနေတာမို့ တစ်ခါတစ်လေ စိတ်ကူးပေါက်ပြီး အရောင်နုနုလေးတွေကို ဝတ်ဆင်ကြည့်၊ သုံးစွဲကြည့်ဖြစ်တယ်... အချိန်က သိပ်မကျန်တော့ဘူးမဟုတ်လား...:P တော်ကြာ... ဒီထက်အသက်အရွယ်ကြီးမှ အရောင်နုနုလေးတွေ သုံးစွဲမိရင် ကိုယ့်အသက်အရွယ်နဲ့မှမလိုက် သုံးစွဲရကောင်းလားလို့ အပြောခံရမှာဆိုးတယ်လေ... ခုတောင် တော်တော်လေး နောက်ကျနေလို့ နောင်တများတောင် တစ်ခါတစ်လေ ရချင်ချင်...ဟီး... အမြင်အတိုင်းပြောရရင် အရောင်တွေကြောင့် စိတ်အခြေအနေတွေ ပြောင်းလဲတတ်သလို စိတ်အခြေအနေကြောင့်လည်း အရောင်တွေရဲ့ ဂုဏ်သတ္တိတွေ ပြောင်းလဲသွားကြတာလို့ ထင်မိပါတယ်... လူတိုင်း လူတိုင်းမှာ အရောင်တွေနဲ့ ပတ်သက်ပြီး ခံစားမှုတစ်ခုစီ ရှိကြမယ်လို့... ကျမထင်ပါတယ်... ကိုယ်တိုင် မဆန်းစစ်ကြလို့သာ မသိကြတာပါ... အရောင်တွေနဲ့ ဆက်စပ်ပြီး နက်ရှိုင်းသော ခံစားမှုလေးတွေ လူတိုင်းရင်မှာ ကိန်းဝပ်နေမှာလို့ ယုံကြည်ရင်းနဲ့ပဲ...:P
Created By: k2tmaung (27 September 2009 Sunday 07:52AM)