တစ်နှစ်ပြည့်အမှတ်တရ...

26 July 2010 မှာ ကျမ ရဲ့ k2tmaung Blog လေး တစ်နှစ်ပြည့်သွားပါပြီရှင်... တကယ်တမ်း Blog အတွက် စာစရေးဖြစ်တာကတော့ 27 July 2009 မှပါ... ကျမ Blog လေး ဖြစ်လာပုံကို ပြောပြရရင် နည်းနည်းတော့ အူကြောင်ကြောင်နိုင်မလားပါပဲ... :P ကျမနဲ့ ခင်မင်ရင်းနှီးတဲ့ သူငယ်ချင်းတစ်ချို့က Blog လေးတစ်ခုလုပ်ပြီး စာရေးဖို့ တိုက်တွန်းခဲ့ဖူးပါတယ်... တစ်စိုက်မတ်မတ်လုပ်နိုင်မှာ မဟုတ်တဲ့အတွက်၊ နောက် သူတစ်ပါး အကျိုးဖြစ်ထွန်းစေတဲ့ စာမျိုးရေးသားနိုင်ဖို့ အသိပညာ၊ အတတ်ပညာ မကြွယ်ဝတဲ့အတွက် ကျမ အကြိမ်ကြိမ် ခေါင်းခါဖြစ်ခဲ့ပါတယ်... ဒီလိုအချိန် အရင်နှစ်တုန်းကတော့ Blog လောကနဲ့ Ning Site တော်တော်များများမှာ ကျမ ကျင်လည်ခဲ့ဖူးပါတယ်... အားလပ်တဲ့အချိန်တိုင်း Blog တစ်ခုခု သို့မဟုတ် Ning Site တစ်ခုခု သို့မဟုတ် Forward Mail က ရတဲ့ Blog Post တော်တော်များများကို အချိန်ပေးပြီး ဖတ်ခဲ့ဖူးပါတယ်... တစ်နေ့မှာ Blog တစ်ခုကို သွားလည်ပြီး စာသွားဖတ်ရင်း comment တစ်ခု ပေးဖြစ်ပါတယ်... အဲ့ဒီမှာ ဘယ်လိုကဘယ်လို Blog Name ကို သုံးမိသွားတယ်မသိ... သုံးဖြစ်သွားခဲ့ပါတယ်... (Blog ကို 2008 September ကတည်းက create လုပ်ခဲ့ပေမယ့် ကိုယ့်ဘာသာ create လုပ်ခဲ့ဖူးမှန်းတောင် မသိခဲ့ပါဘူး...) အဲ့တာနဲ့ အဲ့လိုနဲ့ပေါ့လေ... comment မှာ ပေါ်နေတဲ့ ကိုယ့် link ကနေတဆင့် ကိုယ့် Blog ကို ဝင်ကြည့်မိတော့ ဘာမှမရှိတာနဲ့ ငယ်ငယ်က ရေးခဲ့ဖူးတဲ့ ကဗျာတစ်ချို့ကို Blog ထဲ ဒီလိုပဲ ထည့်ဖြစ်လိုက်တယ်ဆိုပါစို့... ဘာမှလည်းမသိ ဘာမှလည်းမတတ်တော့ Blog မှာ ကဗျာတွေရှိနေတာကလွဲရင် ဘာဆိုဘာမှ မဟုတ်ခဲ့တဲ့ နေရာလေးတစ်ခုပေါ့လေ... 27 July 2009 မှာတော့ ခံစားချက်တစ်ခုကြောင့် ပထမဆုံးအကြိမ် ကျမ Blog အတွက် ကဗျာတစ်ပုဒ် ပြန်လည် စ,ရေးဖြစ်ခဲ့ပါတယ်... (စာတိုစာစလေးတွေကတော့ Blog မလုပ်ဖြစ်ခင်ကတည်းက နည်းနည်းပါးပါးရေးခဲ့ဖူးပါတယ်...) ဒီ Blog လေး ရှိနေခဲ့တာကိုလည်း ကျမကလွဲလို့ ဘယ်သူမှ မသိခဲ့ကြပါဘူး... 27 July 2009 မှာ ရေးဖြစ်ခဲ့လိုက်တဲ့ ကဗျာတစ်ပုဒ်ကို အရင်းပြုပြီး ကျမမှာ Blog တစ်ခုရှိကြောင်း သူငယ်ချင်းတစ်ချို့ စ,သိသွားကြတယ်ဆိုပါစို့... အဲ့ဒီအချိန်ကစ,လို့ ကျမ Blog အတွက် အပြင်အဆင်နဲ့ စာရေးတဲ့အလုပ်ကို ကျမ အချိန်ပေးဖြစ်ခဲ့ပါတယ်... ဒီလိုနဲ့ပဲ k2tmaung Blog စတင်ဖြစ်ပေါ်လာခဲ့တာဖြစ်ပါတယ်... :)

ဒီ Blog နဲ့ ပတ်သက်ပြီး Blog စာမျက်နှာပေါ်မှာ ကျမ သေသေချာချာ တစ်ခါမှ ကျေးဇူးတင်စကား မဆိုဖြစ်ခဲ့ပါဘူး... ကျေးဇူးတင်ထိုက်သူတွေကတော့ အများကြီးပေါ့လေ...
ပထမဆုံး ကျေးဇူးတင်ချင်တာကတော့ Print Media တစ်ခုမှ Journalist တစ်ယောက်ဖြစ်တဲ့ ကိုလင်းလက်ပါ... စာရေးခြင်းကို ကျမ ပြန်လည် စိတ်လည်လာအောင် ကျမရေးသမျှ တိုတိုထွာထွာတိုင်းကို ကောင်းကောင်းမကောင်းကောင်း ရှာကျန်ပြီး ချီးကျူးစကားပြောပေးခဲ့တာမို့လည်း စာပိုရေးချင်စိတ် ဖြစ်ခဲ့မိတာ ဝန်ခံပါတယ်... ဒီ Blog ရဲ့ နောက်ခံ Background နဲ့ တစ်ချို့ Layout တွေက ကိုလင်းလက် ဖန်တီးပေးခဲ့တာပါ... Background ကို သူရော ကိုယ်ရော စိတ်ကြိုက်ရှာတာတင် အချိန်တော်တော်လေး ကြာခဲ့သလို အဲ့ဒီညက ကျမ Blog ကို ပြင်ဆင်ပေးရလို့ အိပ်ရေးလည်း တော်တော်ပျက်ခဲ့ပါတယ်... ကျေးဇူးတင်ပါတယ် ကိုလင်းလက်... စိတ်ရှည်လက်ရှည်နဲ့ အချိန်ယူ ပြင်ဆင်ပေးတဲ့အတွက်ရော ဘာရေးရေး "ကောင်းပါတယ်..."လို့ ပြောပေးခဲ့တဲ့အတွက်ရောပေါ့... :P
ဒုတိယအနေနဲ့ ကျေးဇူးတင်ထိုက်သူကတော့ "နိုင်ဇော်ထွန်းမှကြိုဆိုပါတယ်" ဆိုတဲ့ Blog ပိုင်ရှင် (အခုတော့ သူ့ Blog ကို ဖျက်လိုက်ပါပြီတဲ့...) သူရပါ... Blog နဲ့ ပတ်သက်ပြီး တော်တော်များများ သူရဆီက သင်ယူခဲ့ရပါတယ်... "k2 ရေ... template အဟောင်းကို save ပြီး ကလိသာ ကလိ... တတ်ရင်တတ် မတတ်ရင်ပျက်မှာပဲ..." လို့ အားပေးခဲ့ဖူးပါတယ်... :P ကျေးဇူးပါ သူရရေ... သင်ပေးခဲ့၊ လမ်းညွှန်ပေးခဲ့တာတွေအတွက်ရော... Blog ကို လာလာလည်ပြီး comment မချန်သွားတာပါလို့ အမြဲပြောတဲ့အတွက်ရော... k2 ရေ စာမရေးဘူးလား...လို့ အမြဲ မေးဖော်ရတဲ့အတွက်ရော (မေးတဲ့သူရှိမှ ပိုစာရေးဖြစ်လို့ပါ... :P) ကျေးဇူးပါ သယ်ရင်းရေ...
နောက် ကျေးဇူးတင်ထိုက်သူတစ်ဦးက ကိုမိုးစဲ ကိုချစ်ဖေ၏မှတ်တမ်းကြီး (http://kochitphay64.blogspot.com)ပါ... Blog ရေးစ,မှာ အားတစ်ခုဖြစ်စေခဲ့တဲ့ Cbox နဲ့ Post က comment တွေတိုင်းအတွက် ကျေးဇူးတင်ပါတယ်...
နောက်ထပ် ကျေးဇူးတင်ချင်တာကတော့ IT Blogger တွေပါ... ကျမ IT နဲ့ပတ်သက်လို့ အထူးသဖြင့် Template ထဲက ကွိစိကွစ code လေးတွေနဲ့ ပတ်သက်လို့ပေါ့လေ မသင်ကြားမလေ့လာခဲ့ဖူးပါဘူး... မအားလပ်တဲ့ ကျမ သူငယ်ချင်းတွေကို နားပူနားဆာလုပ်ရတာ အားနာလာတာနဲ့ ကိုယ့်ဘာသာ ကြိုးစားကြည့်မယ်ဟာဆိုပြီး ကြားရသမျှ IT Site တိုင်း ကျမ ရောက်ဖြစ်ခဲ့ပါတယ်... IT Blog Site တော်တော်များများမှာ သွားရောက် လေ့လာဖတ်ရှုတတ်ပြီး Post တွေဖတ်လိုက် ကိုယ်တိုင် Template တွေ ပြင်လိုက်နဲ့ ခုမြင်တွေ့ရသလို အပြင်အဆင်မျိုးနဲ့ (တစ်ချို့ကလည်းလှတယ်... တစ်ချို့ကလည်း ရှုပ်ရှက်ခတ်တယ်ပေါ့လေ... :P) k2tmaung Blog ရယ်လို့ ဖြစ်လာတာပါ... ကျမ အများဆုံး ရောက်ဖြစ်ခဲ့တဲ့ IT Blog Site တွေကတော့ Myanmar Bloggers Helpdesk (http://mmbloggershelpdesk.blogspot.com)၊ မောင်ကျော်စွာငြိမ်း (http://www.kyawswarnyein.com)၊ ညီနေမင်း (http://www.nyinaymin.com)၊ သံလုံငယ် (http://thanlonnge.net) နဲ့ အခြားအခြားသော IT Site များစွာလည်းရှိပါသေးတယ်... ကျမရဲ့ မြင်ဆရာအားလုံးကို ကျေးဇူးအထူးတင်ပါတယ်...
ပြီးတော့ ကျမအစ်ကိုရင်းလို ခင်မင်ရတဲ့  အိမ်လွမ်းသူ (http://eainlwanthu.ning.com) ပိုင်ရှင် ကိုD'Leh ပါပဲ... "ညီမ Blog မှာ သုံးလို့ရတယ်"ဆိုပြီး သတိတရနဲ့ code တွေ ရှာရှာပေးတဲ့ အစ်ကို... "k2 ကဗျာအသစ်တင်ထားတယ်"ဆိုပြီး offline နဲ့ စာပို့ပို့ပြီး Blog မှာ စာလာဖတ်ဖို့ ပြောတိုင်း (သူ့ site မှာလည်း ကဗျာတွေ တင်တတ်တာမို့ပါ...) မညည်းမညူ လာလာဖတ်ပေးပြီး comment တွေနဲ့ ချီးကျူးစကား အမြဲပြောပေးတတ်ပါတယ်... ကျေးဇူးပါ အစ်ကိုတော်... အစ်ကို့ဆီကလည်း အများကြီး သင်ယူတတ်မြောက်ခဲ့ပါတယ်... :P
နောက်ဆုံးမှာတော့ ကျမရဲ့ ချစ်လှစွာသော သူငယ်ချင်းမောင်နှမမိတ်ဆွေတွေအားလုံးကို ကျေးဇူးတင်ပါတယ်... သတိတရနဲ့ပဲ လာလည်လည်... လမ်းကြုံလို့ပဲ လာလည်လည်... အမှတ်မထင်ပဲ ရောက်လာလာ... အားလုံးကို ကျေးဇူးတင်ပါတယ်... comment ထားခဲ့သည်ဖြစ်စေ၊ မထားခဲ့သည်ဖြစ်စေ ကျမ Blog ကို လာရောက်လည်ပတ်တဲ့အတွက် ဝမ်းသာပျော်ရွှင်စွာနဲ့ ကျေးဇူးတင်ပါတယ်လို့ ပြောချင်ပါတယ်... အထူးသဖြင့် comment ထားခဲ့တာကို ပိုလိုလားတောင့်တတဲ့ ကျမအတွက် ချစ်သူငယ်ချင်းတို့ရဲ့ comment က ကျမအတွက် စားရေးနိုင်ဖို့ "အား"တစ်ခုပါ...
ဪ... ချွင်းချက်တွေအနေနဲ့ ကျမ ရောက်ရှိခဲ့တဲ့ Blog တိုင်းက Blogger တွေကိုလည်း ကျေးဇူးတင်ပါတယ်... တစ်ယောက်ဆီကနေ ရေးနည်းရေးဟန်၊ အတွေးအခေါ်အသိအမြင်တွေ တိုးပွါးစေခဲ့တဲ့အတွက် မြင်ဆရာတွေအဖြစ် ကျေးဇူးတင်ပါတယ်... ကျမ အလည်ရောက်ရှိဖူးပြီး လေးစားခင်မင်အားကျနှစ်သက်မိတဲ့ Blogger တွေကို ညာဘက်ဘေးမှာ List တွေနဲ့ Link လုပ်ထားပါတယ်... အမှန်တော့ ကျမလေးစားနှစ်သက်ရတဲ့ Blogger တွေ အများကြီး ကျန်ပါသေးတယ်... ဒီနောက်ပိုင်း စာဖတ်အားနည်းသွားသလို အရင်လို Blog တွေဘက် သိပ်မရောက်ဖြစ်တဲ့အတွက် Update မလုပ်ဖြစ်တာလည်း အများကြီးပါ... ဘာပဲဖြစ်ဖြစ် တစ်စုံတစ်ရာ ပေးစွမ်းနိုင်သူတွေမို့ ကျေးဇူးတင်ပါတယ်လို့ပဲ ပြောပါရစေ...

ဘာလိုလိုနဲ့ပေါ့လေ တစ်နှစ်ဆိုတဲ့ ကာလကို ဖြတ်အပြီးမှာ နောက်ပြန်လှည့်ကြည့်မိတဲ့အခါ ကျမ သင်ယူတတ်မြောက်ခဲ့တာတွေ အများကြီးပါ... နောက် ကျမအတွက် online ပေါ်မှာ ခင်ခဲ့ရတယ်ဆိုပေမယ့် တကယ့်ငယ်ပေါင်းတွေလို ခင်မင်စရာကောင်းတဲ့၊ ရိုင်းပင်းကူညီတတ်တဲ့၊ ရိုးသားဖြူစင်တဲ့၊ စိတ်ညစ်စရာတွေရှိရင် အားပေးဖြေသိမ့်ပေးတတ်တဲ့၊ ပျော်စရာရှိရင် မျှဝေဝမ်းသာပေးတဲ့ သူငယ်ချင်းကောင်းများစွာ ကျမ ရရှိခဲ့တာကိုလည်း ကျေနပ်ပျော်ရွှင်မိပါတယ်... နာမည်တွေမတပ်တော့ပေမယ့် ဘယ်သူဘယ်ဝါတွေဆိုတာကို သိကြမှာပါ... ကျေးဇူးတကယ်တင်ပါတယ် သူငယ်ချင်းတို့ရေ...

ဟိုးအရင်ကတည်းက ပြောခဲ့ဖူးသလိုပါပဲ...
ဒီblogလေးကို လုပ်ဖြစ်ရခြင်းအကြောင်းကတော့ စိတ်ကူးပေါက်ရာ ရေးထားခဲ့တာလေးတွေကို တစ်စုတစ်ဝေးတည်းရှိနေစေချင်တဲ့ ဆန္ဒလေးတစ်ခုနဲ့ပါ...
စာဖတ်သူတွေအတွက် ဖတ်ကောင်းချင်မှ ဖတ်ကောင်းမှာပါ... စိတ်ဝင်စားဖို့လည်း ကောင်းချင်မှကောင်းမှာပါ... ဒါပေမယ့် ကျမ ရင်းနှီးမြှုပ်နှံခဲ့တဲ့ အာရုံ၊ အတွေး၊ ခံစားချက်၊ အချိန်လေးတွေကို အတူတကွရှိနေစေချင်ရုံ သက်သက်နဲ့ ဖန်တီးခဲ့ခြင်းသာဖြစ်ပါတယ်...

အမှားအယွင်း အထောင်အသောင်း အဆိုးအပြစ် အသိန်းအသန်းရှိခဲ့သော် ကျမ တစ်ယောက်တည်း၏ ညံ့ဖျင်းမှုသာ ဖြစ်ပါတယ်ရှင်...

အားလုံးကို ကျေးဇူးတင် ခင်မင်လျှက်ပါ...
ကျန်းမာပျော်ရွှင် အဆင်ပြေကြပါစေ...
k2tmaung

Created By: k2tmaung (26 July 2010 Monday 01:53PM)

ဆက်လက်ဖတ်ရှုရန်...

ကျေးဇူးတင်ပါတယ်ရှင်...