သနပ်ခါးရေကျဲ မိတ်ကပ်မူကွဲ

ငယ်ငယ်က ငါ့ပါးပြင်ထက်...
ရိုးသားခြင်းတွေ...
ပါးကွက် ကွက်လို့...
သနားခါး ဂုဏ်ရောင်နဲ့...
ငါ့ပါးမို့မို့မက ငါ့ဘဝက...
ပြောင်လက်ခဲ့ဖူးတယ်...

မျက်နှာထက်က အလျော့အတင်း...
အလိမ်အညာကင်းကင်းနဲ့...
ရိုးဆင်းမှုကို ခင်းကျင်းပြတတ်တယ်...
အခြယ်အသကင်းတဲ့ ငါ့မျက်ဝန်းတွေက
စွန်းထင်းခြင်းအလျင်းမရှိ...
အကြည့်စူးစူးတွေနဲ့ ရှင်းသန့်နေခဲ့ဖူးတယ်...
အရောင်တင်လေ့မရှိတဲ့ ငါ့နှုတ်ခမ်းတစ်စုံ...
မုသားပုံတွေ ကြုံလို့တောင်...
ဟန်ဆောင် မပြောတတ်ခဲ့...

အရွယ်လေးလည်း ရပြီ...
ပညာရည်လေးလည်း ဝပြီ...
ဘဝဇာတ်ခုံပေါ်လည်း တက်က,ရပြီမို့...
ငါ့မျက်နှာမှာ...
ရောင်စုံ မိတ်ကပ်တို့ ခြယ်သဖြစ်ခဲ့ပြီ...

မျက်ဝန်းတို့ကို ဆေးဆိုး...
ငါ့ရိုးသားခြင်းတွေလည်း သွေးတိုးစမ်းခံရတယ်...
နှုတ်ခမ်းနှစ်လွှာလည်း အရောင်တွေပြောင်းလို့...
အယောင်အဆောင်ကင်းတဲ့...
ငါ့စကားလုံးတွေလည်း ရောင်းစားခံခဲ့ရတယ်...

အကြောင်းကြောင်းတွေရှိလို့...
အကျိုးတွေလည်း ပြောင်းလဲ...
ငါအကောင်းဘက်က...
ဖျောင်းဖျောင်းဖျဖျနဲ့ တွေးဖြစ်တယ်...
သနပ်ခါးနဲ့ တစ်မျိုး...
မရိုးအောင် အပြစ်ကင်းကင်းနဲ့လှသလို...
မိတ်ကပ်အကူနဲ့...
ရူပကာလည်း...
ရင့်ကျက်ခြင်းတွေကို သရုပ်ဆောင်ပါတယ်...

တစ်ခါတစ်လေမှာ...
ဖြူစင်ခြင်းတွေနဲ့ အဖြူရောင်ဟာ...
ရိုးဖြောင့်ခြင်းတွေကို ဂုဏ်ထူးဆောင်သလို...
မိုးအစဲ နေအခမှာ တွေ့မြင်ရတဲ့...
သန့်တန့်ရောင်တွေဟာလည်း...
ဘဝတစ်ခုရဲ့ ရင့်ကျက်ခြင်းတွေကို ဖော်ဆောင်ပါတယ်...

သနပ်ခါးရနံ့လည်းပျယ်...
မိတ်ကပ်အလှလည်းကြွယ်လို့...
ရိုးသားခြင်းအဖြူရောင်တွေအစား...
သက်တန့်ရောင် အတုအပတွေ များလို့..
စိတ်ပျက်အားငယ် နွမ်းနယ်လို့ မနေချင်...
အချိန်တန် အိမ်ပြန်ရောက်ရင်...
မျက်နှာပြင်ထက် မိတ်ကပ်ဖျက်လို့...
သနားခါးရေကျဲ ငါခြယ်နိုင်ပါသေးတယ်...

လူတွေရှေ့မှောက် အရောက်သွားရတဲ့...
ဘဝဇာတ်ပွဲအလယ်က မင်းသမီးတစ်ယောက်မို့...
မလွှဲမရှောင်သာ မိတ်ကပ်တွေ အခါခါလိမ်း...
ငါ ယိမ်းနွဲ့လို့ က,နေရပေမယ့်...
တန်ဖိုးတွေ ဘယ်လောက်ကောင်းကောင်း...
မိတ်ကပ်တိုင်းမှာလည်း အဆိုးနဲ့အကောင်းတွေရှိစမြဲမို့...
ငါ့အသားအရည်တို့လည်း ဟောင်းနွမ်းတတ်ပါတယ်...
နှုန်းထားတွေ မများပြားသလို ဆေးခါးအသွင်နဲ့...
ငါ့စိတ်နှလုံးတို့ အရွယ်တင်စေဖို့...
သနပ်ခါးရေကျဲ မိတ်ကပ်မူကွဲကို...
ငါ လိုကို လိုအပ်နေပါသေးတယ်...

Created By: k2tmaung (30 October 2009 Friday 10:05PM)